33 C
Baku
16 İyul 2024, 18:33
Sosial

Mingəçevirdə məskunlaşan keçmiş köçkünlərə psixologiya dərsləri

Fərman Nəbiyev: “Doğma torpaqlarınıza qayıdarkən dövlət məşğulluğunuzu təmin edəcək, bir şərtlə ki, peşəniz olsun…”

“Mingəçevir Valideynlər Assosiasiyası” (MVA) İctimai Birliyi 2024-cü ilin iyun ayından “Keçmiş köçkün valideynlərin “Böyük Qayıdış” üçün hazırlanması: peşə bacarıqlarının artırılması” layihəsinə başlayıb. İlkin mərhələdə 65 ailə arasında canlı sorğu keçirilib, bundan sonra peşəyə daha çox ehtiyacı olan 10 köçkün təlimlərə cəlb olunub.

1-2 iyul 2024-cü ildə Mingəçevir Media Mərkəzində psixoloji mövzuda ilk təlim baş tutub. Təlimin açılışında MVA İB-nin və layihənin rəhbəri, Əməkdar jurnalist Fərman Nəbiyev layihənin məqsədindən danışıb: “Doğma torpaqlarınıza qayıdarkən dövlət məşğulluğunuzu təmin edəcək, bir şərtlə ki, peşəniz olsun. Buna görə də biz sizin peşə bacarıqlarınızı artırmaq niyyətindəyik. Psixoloji, hüquqi və iqtisadi mövzuda altı günlük nəzəri təlimlərimizdən sonra sizin üçün usta yanında 2 aylıq praktiki kurslar təşkil edəcəyik. Layihəni uğurla başa vuranlara peşə sertifikatları verəcəyik”.

Psixoloq Seymur Səfəralıyev iki günlük təlimdə valideyn-övlad münasibəti, xüsusən uşaq və valideyn arasında münaqişədə valideynin rolu, valideyn  öhdəliklərinin hüququ və psixoloji tərəfləri, övlada münasibətdə sərhədlərin müəyyən edilməsi, məhsuldarlığa mane olan əngəlllər və işə başlamaq çətinliyi barədə danışıb və problemlərdən çıxış yollarını göstərib. Təlimçinin danışığı  slaydlarla müşayiət olunub. İki gün davam edən təlim zamanı bir neçə dəfə qrup işi aparılıb, müzakirələrə geniş yer ayrılıb. Təlimlərin əvvəlində və sonunda iştirakçıların bilikləri qiymətləndirilib.

Qeyri-Hökumət Təşkilatlarına Dövlət Dəstəyi Agentliyinin orta qrant proqramı çərçivəsində həyata keçirilən layihə sentyabrın sonunadək davam edəcək.

Bugün TV

Oxşar xəbərlər

Metronun iş qrafikində dəyişiklik olacaq-MƏLUMAT

Bugün TV

Əhalinin banklarda olan əmanətlərində aylıq müqayisədə azalma qeydə alınıb

Bugün TV

Gənclərin karyeradaözünüifadə bacarıqları inkişaf etdirildi

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu