Bugun.tv xəbər verir ki, Misir prezidenti Əbdülfəttah əs-Sisi Rusiya prezidenti Vladimir Putinlə regional məsələləri, eləcə də Qəzza zolağındakı gərginliyi müzakirə edib.
Misir Rəyasət Heyətindən verilən yazılı açıqlamaya görə, Sisi Rusiya prezidenti Putinlə telefon danışığı aparıb. “TRT Haber”in məlumatına görə, İsrailin hücumları altında olan Qəzza zolağı ilə bağlı hadisələrin müzakirə olunduğu görüşdə “bölgənin təhlükəsizliyini və sabitliyini təhdid edən münaqişələrin yayılmasının qarşısını almaq və vəziyyəti nəzarət altına almaq üçün diplomatik təşəbbüslərin davam etdirilməsi” müzakirə edilib. .Prezident Sisi və Putin “atəşkəsi dəstəkləmək, regionda sabitliyin bərpasına üstünlük verilməsinin vacibliyi və mülki əhalinin təhlükəsizliyinin təmin edilməsinin zəruriliyi” mövzusunda razılığa gəliblər.
Qəzza zolağında humanitar vəziyyətin ciddiliyi və humanitar yardıma təhlükəsiz çıxışın təcili təmin edilməsi zərurəti ilə razılaşan liderlər Fələstin-İsrail probleminin həlli üçün ciddi iş görülməli olduğunu vurğulayıblar.
Müxbir: İntizar Əmirova