Misirin xarici işlər naziri Bədr Əbdüləti ölkəsinin İsrailin Qəzzaya hücumlarını dayandırmaq üçün bütün gücü ilə basqı etdiyini və Qəzzada axan qana ən qısa zamanda son qoyacaq razılığa gəlməyə ümid etdiyini bildirib.
Misirin xarici işlər naziri Bədr Əbdüləti Qambiyanın xarici işlər naziri Mamadu Tanqara ilə paytaxt Qahirədə keçirdiyi görüşdən sonra təşkil edilən ortaq mətbuat konfransında, “Biz bütün gücümüzlə müharibəni bitirmək üçün təzyiq göstəririk və Qəzzada axan qanı dayandırmaq üçün ən qısa zamanda razılığa gəlməyi ümid edirik” deyib.
Əbdüləti Qəzza zolağına tam girişin və heç bir məhdudiyyət olmadan humanitar yardımların çatdırılmasının vacib olduğunu vurğulayaraq, Qəzzada fələstinlilərə qarşı aclığın silah kimi istifadə edilməsini heç vaxt qəbul etmədiklərini bildirib.
Qambiyanın xarici işlər naziri Tanqara mətbuat konfransında “İsrailin hücumları səbəbiylə Qəzzada vəziyyət son dərəcə ağırdır” deyib.
Tanqara Qahirənin regional sabitliyin təmin olunmasındakı rolunu və səylərini yüksək qiymətləndirib.
Mənbə: EnSonHaber