Cənubi Koreyada fəaliyyət göstərən iran əsilli model və aktrisa Hoda Niku rəsmi Seulun İrana humanitar yardım göstərmək planına sərt reaksiya verib.
O, sosial şəbəkə hesabında paylaşım edərək bu addımı “dibsiz qazana su tökmək” kimi qiymətləndirib.
“Pul xalqa deyil, rejimə çatacaq”
Niku bildirib ki, İrana göndərilən maliyyə vəsaitlərinin sadə vətəndaşlara çatacağına inanmır. Onun sözlərinə görə, bu vəsaitlər hakimiyyət tərəfindən başqa məqsədlər üçün istifadə oluna bilər:
“Bu pullar xalqa deyil, diktaturaya gedəcək və nəticədə terror və ya silah alqı-satqısı üçün istifadə edilə bilər.”
“İran xalqı dəyişiklik gözləyir”
Model qeyd edib ki, İran cəmiyyəti uzun illərdir siyasi dəyişikliklərə ümid edir. O, xarici dəstəyin mövcud rejimi gücləndirə biləcəyini vurğulayıb:
“İranlılar bu rejimin sona çatmasını onilliklərdir gözləyirlər və onların adından heç bir dəstəyin hakimiyyətə çatmasını istəmirlər.”
Yardımın effektivliyi sual altındadır
Niku paylaşımında yardımın real ünvanına çatıb-çatmayacağı ilə bağlı da sual qaldırıb. Onun fikrincə, hazırkı şəraitdə edilən hər hansı maliyyə dəstəyi sonradan fərqli məqsədlərlə istifadə oluna bilər.
Sosial mediada fəal mövqe tutur
2018-ci ildə “Miss İran” müsabiqəsində üçüncü yeri tutan Hoda Niku hazırda Cənubi Koreyada fəaliyyət göstərir. O, sosial media platformalarında İranla bağlı hadisələr və hökumət əleyhinə etirazlarla bağlı paylaşımlar edir və rəsmi Tehranın siyasətini açıq şəkildə tənqid edir.
Mənbə: mail.ru