Rusiyanın paytaxtı Moskvada mobil internet xidməti məhdudlaşdırılıb. Səlahiyyətlilər, qarşıdan gələn 9 May Qələbə Günü ərəfəsində son günlər artan pilotsuz uçuş aparatlarının (PUA) hücumlarının və dağıdıcı hücumların qarşısını almaq üçün mobil operatorların xidmətlərini məhdudlaşdırmaq qərarına gəlib.
Səhər saatlarından etibarən Moskva sakinləri mobil telefonlar vasitəsilə göstərilən xidmətlərdən istifadədə problemlər yaşamağa başlayıblar. Rusiya Fövqəladə Hallar Nazirliyi mayın 5-də verdiyi yazılı açıqlamada 9 May Qələbə Günü ilə əlaqədar şəhərdə internetin məhdudlaşdırıla biləcəyi barədə xəbərdarlıq edib.
Mobil internetə çıxışda yaranan problemlər səbəbindən bankomatlar, kuryer və taksi xidmətlərində də fasilələr yaranır. Digər tərəfdən, dron hücumları səbəbindən Moskva hava limanlarından uçuşlara da məhdudiyyətlər qoyulur.
Ukrayna ordusunun ötən gün ərzində Rusiyanın paytaxtı Moskvaya pilotsuz təyyarələrlə hücumlar təşkil etdiyi bildirilib. Bir çox xarici liderlərin qatılacağı 9 May Qələbə Günü qeyd etmələri öncəsi Moskvada hərbi paradın məşqləri davam edərkən, Ukrayna prezidenti Vladimir Zelenski mayın 9-da keçiriləcək hərbi paradda iştirak edəcək əcnəbilərə təhlükəsizlik zəmanəti verə bilməyəcəklərini deyib.
Rusiya Xarici İşlər Nazirliyinin sözçüsü Mariya Zaxarova bildirib ki, Zelenski Moskvaya gəlməyi planlaşdıran dünya liderlərini açıq şəkildə hədələyib.
Mənbə: HurriYet