ABŞ-ın Rusiyaya səfiri təyin olunan Lin Treysi yaxın günlərdə Moskvaya gələcək. Bir sıra problemli məsələlər üzrə diplomatik dialoqun bərpası ehtimalı onun Rusiya Xarici İşlər Nazirliyinə gəlişi ilə bağlıdır.
Bugun.tv xəbər verir ki, bunu jurnalistlərə xarici işlər nazirinin müavini Sergey Ryabkov deyib. Xüsusilə, Rusiya Federasiyasının Vaşinqtondakı və ABŞ-ın Moskvadakı diplomatik nümayəndəliklərinin işinin normallaşdırılmasından danışmaq olar.
“Səfir gələcək, görünür, onunla bu mövzunun müzakirəsi davam edəcək”- deyə, Ryabkov bildirib. ”
O, qeyd edib ki, Moskva və Vaşinqtonun bu normallaşmanın mümkün yolları ilə bağlı təklifləri indi üst-üstə düşmür. Diplomat məsləhətləşmələr zamanı tərəflərin mövqelərini yaxınlaşdırmaq imkanını görür, baxmayaraq ki, bəzi “periferik məsələlər” istisna olmaqla, hələlik bu, “çox yaxşı nəticə vermir”.
Lin Treysi ötən ilin dekabrında Rusiya Federasiyasına səfir təyin edilib. Dövlət Departamentinin əməkdaşı, artıq 2014-2017-ci illərdə Moskvada işləmiş və rus dilini bilən o, bu vəzifədə çalışan ilk qadın olub.
Ryabkov Qərbin Ukraynaya hərbi yardımının “sözün əsl mənasında əziləcəyinə” əmin olduğunu da bildirib. “Xüsusi hərbi əməliyyatın məqsədlərinə istənilən halda nail olunacaq” -deyə, o, bildirib.
Mənbə:Vesti.ru