Yəhudi köçkünlər işğal altındakı İordan çayının qərb sahilinin Nablus şəhərində fələstinlilərə məxsus 155 zeytun ağacını kəsiblər.
Bugun.tv xəbər verir ki, bu barədə ölkənin rəsmi agentliyi olan WAFA məlumat yayıb.
Qeyd edək ki, İsrailin 1967-ci ildə işğal etdiyi İordan çayının qərb sahilində 250-dən çox qeyri-qanuni yəhudi yaşayış məntəqəsi var. Bu yerlərdə məskunlaşan 450 minə yaxın yəhudi İordan çayının qərb sahilində işğal altında yaşayan fələstinlilərin həyatını daha da çətinləşdirir.
Beynəlxalq hüquqa görə, bu ərazilərdəki bütün mühacir məskənləri qeyri-qanuni sayılır.
Mənbə: TRT haber