Şanxay Əməkdaşlıq Təşkilatının (ŞƏT) Müşahidəçilər Missiyası Qazaxıstanda keçirilmiş parlament seçkilərini şəffaf və demokratik seçki kimi qiymətləndirir.
“Missiya qeyd edir ki, Qazaxıstan Respublikasının Məclis və Məslixətlərinə növbədənkənar deputat seçkiləri Qazaxıstanın milli qanunvericiliyinin tələblərinə və ölkənin beynəlxalq öhdəliklərinə cavab verib. Seçkilərin legitimliyini şübhə altına alan milli qanunvericiliyin hər hansı pozuntusu qeydə alınmayıb. Missiya seçkiləri şəffaf, etibarlı və demokratik kimi tanıyır”.
Qazaxıstan parlamentinin aşağı palatasına növbədənkənar seçkilər qarışıq sistem əsasında təşkil edilib: deputatların 70%-i partiya siyahıları, 30%-i isə birmandatlı dairələrdən seçilib. Dünən axşam açıqlanan üç rəy sorğusuna görə, ölkənin ən böyük partiyası Əmanət 53%-dən çox səslə seçkilərə liderlik edir. Ölkədə qeydiyyatdan keçmiş 7 partiyadan yalnız 5-6-sı aşağı palataya daxil olmaq üçün 5%-lik baryeri keçə bilər.
Mənbə:TASS