Bugun.tv xəbər verir ki, stilist Mixail Kovşov 2026-cı ilin məzun gecələri üçün məktəbli qızlara moda seçimləri ilə bağlı tövsiyələr verib.
Mütəxəssis bildirib ki, məzunlar çox bəzəkli və həddindən artıq qabardılmış geyimlərdən uzaq durmalıdırlar. Onun sözlərinə görə, alternativ olaraq 2000-ci və 2010-cu illərin moda üslubundan ilhamlanan obrazlara üstünlük vermək daha məqsədəuyğundur.
Stilist qeyd edib ki, subkultura üslubları, qırmızı xalça obrazları və “zero” dövrünün məşhur moda ikonaları müasir formada yenidən təqdim oluna bilər.
Kovşovun sözlərinə görə, bu il üçün ən aktual modellər arasında mini uzunluqda büstye və bando tipli donlar, aşağı bel kəsimli geyimlər, eləcə də həcmli, lakin yüngül parçadan hazırlanan modellər yer alır. O, xüsusilə Saint Laurent brendinin istifadə etdiyi parça və üslubları nümunə göstərib.
Bundan əvvəl dermatoloq-kosmetoloq Sergey Qrudnyak da məzun gecəsinə bir ay qalmış dərinin necə hazırlanması barədə məsləhətlər vermişdi.
Mənbə: mail.ru