Siyasi ekspert Məhəmməd Əsədullazadə hesab edir ki, İranın Çinə ABŞ-la aparılan danışıqlarda daha geniş səlahiyyət verməsi regionda yeni geosiyasi mərhələnin başlandığını göstərir.
Bugun.tv– xəbər verir ki, ekspert bu barədə şərhi öz sosial media hesabında paylaşıb.
Ekspertin sözlərinə görə, United States ilə İran arasında 14 maddədən ibarət yeni razılaşma paketi müzakirə olunur. Bu çərçivədə İranın xarici işlər naziri Abbas Araghchi əvvəlcə Russiaya, daha sonra isə Çinə səfər edərək təklifləri müzakirə edib.
Məhəmməd Əsədullazadə qeyd edib ki, Çinin prosesə əlavə təkliflərlə qoşulması onun artıq arxa planda qalan tərəf deyil, birbaşa siyasi təsir imkanına malik aktora çevrildiyini göstərir.
Onun fikrincə, Tehranın qəbul etdiyi təkliflərdən biri məhz Çinə Vaşinqtonla danışıqlarda İranın maraqlarını müdafiə etmək üçün daha geniş səlahiyyət verilməsini nəzərdə tutur. Bu isə yaxın vaxtlarda gözlənilən Donald Trump ilə Xi Jinping arasında mümkün görüş öncəsi İranın öz təhlükəsizlik maraqlarının qorunmasında Pekinə xüsusi rol ayırdığını göstərir.
Siyasi ekspert vurğulayıb ki, Çinin prosesdə aktivləşməsi Vaşinqtonun bölgə ilə bağlı hərbi və siyasi planlarına da təsir göstərir. Onun qənaətinə görə, bundan sonra Amerika İran məsələsində yalnız Tehranla deyil, həm də Pekinlə hesablaşmalı olacaq.
Bununla belə, Məhəmməd Əsədullazadə hesab edir ki, Amerika hazırda İran üzərində strateji üstünlüyünü qoruyur. Onun sözlərinə görə, nə Çin, nə də Rusiya Tehranı Vaşinqtonun təzyiqlərindən tam şəkildə sığortalaya bilməz. Lakin hər iki ölkə danışıqlar prosesində yeni siyasi balans formalaşdırmaq və ABŞ-ın manevr imkanlarını məhdudlaşdırmaq potensialına malikdir.