Bugun.tv xəbər verir ki, Mərakeşdə 7 bal gücündə zəlzələdən sonra 3 günlük milli matəm elan edilib. Zəlzələdə həyatını itirənlərin sayı 1305-ə çatıb.
Mövzu ilə bağlı açıqlamada milli matəm elanı ilə birlikdə ölkə daxilində bayraqların yarıya endiriləcəyi bildirilib.
Açıqlamaya görə, silahlı qüvvələr zəlzələdən zərər çəkmiş ərazilərə içməli su, qida, çadır və ədyal təmin etmək üçün də qruplar ayıracaq.
Mərakeş Daxili İşlər Nazirliyi zəlzələ nəticəsində ölənlərin sayının 1305-ə, yaralıların sayının isə 1832-yə çatdığını bildirib.