Ukraynanın Baş naziri Denis Şmıqal Kiyevdə BMT-nin Baş katibinin humanitar məsələlər üzrə müavini Martin Qriffitslə görüş keçirib. Onlar iqtisadiyyat, yenidənqurma və evini tərk etməyə məcbur qalmış ukraynalılara yardım sahəsində gələcək əməkdaşlığı, həmçinin minatəmizləmə üzrə yeni proqramların yaradılmasını müzakirə ediblər.
Nazir sosial şəbəkədəki səhifəsində bildirib ki, BMT cari ildə Ukraynaya 4,5 milyard dollardan çox humanitar yardım ayırıb. “Belə dəstəyi yüksək qiymətləndiririk və gələn il bu məbləğin artacağına ümid edirik”, – o qeyd edib.
