Hizbullahın pilotsuz uçan aparatının hücumundan sonra İsrailin baş naziri Binyamin Netanyahunun evinə dəyən ziyan göstərilib. Hizbullah qüvvələri üç gün əvvəl Qəzzanı qana bulayan İsrailin baş naziri Binyamin Netanyahunun evinə pilotsuz təyyarə ilə hücum edib. Netanyahunun evi hücumdan sonra ilk dəfə görüntülənib.
Oktyabrın 19-da İsrailin baş naziri Binyamin Netanyahunun İsrailin Qeysəriyyə bölgəsindəki evinə Hizbullah tərəfindən həyata keçirilən pilotsuz uçuş aparatının (PUA) vurduğu zərər nümayiş etdirilib.
İsrail mediası PUA-nın Netanyahunun yataq otağının pəncərəsinə dəydiyini bildirərkən, gücləndirilmiş şüşə səbəbindən İHA-nın pəncərədən keçə bilmədiyi vurğulanıb. Yayımlanan görüntülərdə hücum nəticəsində şüşənin qırıldığı və ətrafa səpələndiyi müşahidə edilib.
İsrail Baş Nazirinin ofisi hücum zamanı Netanyahu və həyat yoldaşının evdə olmadığını bildirib. Netanyahu hücumdan bir neçə saat sonra yazdığı mesajda, “Bu gün məni və həyat yoldaşımı öldürməyə çalışan İran agentləri ağrılı bir səhv etdilər” deyib.
Mənbə: TGRT