Ermənistanın baş naziri Nikol Paşinyan və Rusiya prezidenti Vladimir Putin arasında telefon danışığı olub. Onlar Laçın dəhlizini və Qarabağ bölgəsi ətrafındakı vəziyyəti müzakirə ediblər.
Bugun.tv TASS-a istinadən xəbər verir ki, bu barədə Ermənistan Nazirlər Kabinetinin mətbuat xidməti bildirib.
“Baş nazir Nikol Paşinyan Rusiya Federasiyasının prezidenti Vladimir Putinlə telefon danışığı aparıb. Laçın dəhlizi və Qarabağdakı humanitar vəziyyətlə bağlı məsələlər müzakirə edilib”, – məlumatda qeyd olunub.
Ermənistan Xarici İşlər Nazirliyi bildirib ki, Azərbaycanın Laçın dəhlizində nəzarət-buraxılış məntəqəsi yaratması, guya 2020-ci il üçün üçtərəfli bəyanatın kobud şəkildə pozulmasıdır.