Bugun.tv xəbər verir ki, Bursa da jandarma qruplarının təşkil etdiyi Şəhid Jandarma Astsubay Emrah Ünalan-JASAT Obyektiv əməliyyatında nəzarətə alınan 102 şübhəlidən 88-i həbs olundu. Axtarışda olan şəxslərin tutulması üçün keçirilən əməliyyata İl Jandarma Komandanlığının 308 personalı qatılıb.
TRT Haber-in məlumatına görə, Əməliyyat zamanı müəyyən miqdarda marixuana ələ keçirilib və “oğurluq, dələduzluq, narkotik istifadəsi, yaralama, narkotik ticarəti və qəsdən adam öldürmə” maddələri ilə axtarışda olan 102 şübhəli yaxalanıb. Prosedurları tamamlanaraq ədliyyəyə göndərilən 88 şübhəli hakimlik tərəfindən həbs edilib.