Bugun.tv xəbər verir ki, Hatayın İskəndərun rayonunda dəmir-polad fabrikində qazanın partlaması nəticəsində yaralanan 12 işçi xəstəxanaya çatdırılıb. İskəndərun Mütəşəkkil Sənaye Bölgəsindəki dəmir-polad fabrikinin qazan hissəsində naməlum səbəbdən partlayış baş verib.
TRT Haber-in məlumatına görə, Partlayış nəticəsində 12 işçi yaralanıb. Xəbərdarlığın ardından bölgəyə polis, sağlamlıq və xilasetmə qrupları sövq edilib. Yaralı işçilərə sağlamlıq qrupları tərəfindən ilkin tibbi yardım göstərildikdən sonra ətraf xəstəxanalara aparılıb.