Bugun.tv xəbər verir ki, Binəqədi rayonunun Dərnəgül qəsəbəsindəki evlərin birindən 7000 manat dəyərində qızıl-zinət əşyalarının qeyri-aşkar şəraitdə oğurlanması barədə polisə məlumat daxil olub. Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən ev sahibəsinin oğlu Ü.Əhmədov müəyyən edilərək saxlanılıb.
Digər oğurluq əməli isə Abşeron rayonunun Hökməli qəsəbəsində törədilib. Evlərin birindən 10.000 manat dəyərində məişət əşyalarının qeyri-aşkar şəraitdə oğurlanması barədə polisə məlumat daxil olub. Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində qəsəbə sakini Ariz Əzimov saxlanılıb. Məlub olub ki, o, əvvəllər də oğurluq və narkotiklərlə əlaqəli cinayətlərə görə məhkum olunub.
Daxili İşlər Nazirliyinin məlumatına görə, faktlarla bağlı araşdırma aparılır.