Azərbaycanda su ilə bağlı ciddi problem var. Və getdikcə daha da qloballaşır.
Bugun.tv-nın məlumatına görə, bunu Azərbaycan Milli Elmlər Akademiyasının (AMEA) vitse-prezidenti İradə Hüseynova Türkdilli Ölkələrin Parlament Assambleyasının (TürkPA) ətraf mühit, təbii sərvətlər və sağlamlığın qorunması komissiyasının 8-ci iclasında deyib.
Onun sözlərinə görə, Respublikamızda şirin su resurslarımız bütövlükdə azalmaya meyllidir. Eyni zamanda 2050-ci ilə qədər bir çox təbii sərvətlərmizin növlərinin nəsli kəsiləcəyi gözlənilir.
“Azərbaycanda və dünyada biomüxtəlifliyin qorunması üçün “Qırmızı kitablar” mövcuddur. Ölkəmizdə ilk nəşri 1989-cu ildə nəşr olunub. Orada 140 flora, 108 fauna növü qeyd olunub. İkinci nəşrdə 2013-cü ildə buraxılıb. Nadir bitkilərin sayı 266-ya, heyvanların sayı isə 226-ya çatıb.
Hazırda “Qırmızı Kitab”ın üçüncü nəşri hazırlanır, bu il nəşr olunacaq. Nəsli kəsilməkdə olan heyvan növlərinin sayı 226-dan 241-ə yüksəlib” – I. Hüseynova qeyd edib.