Bugun.tv xəbər verir ki, ölümcül xəstə olan müğənni Selin Dion Los-Ancelesdə keçirilən “Qremmi” mükafatlandırma mərasiminə qatılaraq uzun müddət sonra ilk dəfə ictimaiyyət qarşısına çıxıb. Bu barədə Daily Mail məlumat yayıb.
55 yaşlı ulduz səhnəyə çıxaraq “İlin albomu” nominasiyasında qalibi açıqlayıb. “Hamınıza təşəkkür edirəm, sizi sevirəm. Burada olmaqdan xoşbəxt olduğumu deyəndə, həqiqətən də bunu ürəkdən deyirəm” deyə sənətçi bildirib.
Dionun görünüşü alqışlarla qarşılanıb. Müğənnini oğlu Rene-Şarlz müşayiət edib.
2023-cü ildə müğənni əzələ sərtliyi sindromu diaqnozu ilə bədəninə nəzarəti itirib. Sənətçinin bacısı Klodette Dion mediaya bildirib ki, Selinin az öyrənilmiş xəstəliyinin müalicəsi hələ icad olunmayıb.
Bundan əvvəl Dion, müalicəyə vaxt ayırmaq niyyətində olduğunu izah edərək, xəstəlik səbəbindən Avropadakı konsertlərini ləğv etdi.
Mənbə lenta.ru