Bugun.tv xəbər verir ki, SpaceX orbitə 4 saat fərqlə, 46 Starlink peykindən ibarət iki raket buraxıb. Beləliklə də, kosmosdakı peyklərin sayı 5500-ə çatıb. Bu missiyalardan birincisi Floridanın Kosmik Sahilindən, ikincisi isə Vandenberq Kosmik Qüvvələri bazasından həyata keçirilib.
Hazırda SpaceX-in 12 min Starlink peykini orbitə yerləşdirmək icazəsi var. Bundan əlavə, şirkət daha 30 min peykin təsdiqi üçün müraciət edib.
Avropa Cənub Rəsədxanasının (ESO) dərc etdiyi hesabata görə, Starlink peyklərindəki elektron cihazların 110 ilə 188 meqahers arasında olan radio diapazonlarına radiasiya yayır. Bu da, elektromaqnit çirklənməsinə səbəb olur. Mütəxəssislər bildirib ki, hazırda Starlink peykləri astronomların obyektləri müşahidə etməsinə də ciddi maneə yaradır.