“Hər məktəbdə 1000-2500 arası şagird var. 1 və ya 2 psixoloqun problemləri olan hardasa 500 nəfər şagirdlə məşğul olması qeyri-mümkündür”.
Bugun.tv-yə bu fikirləri Hüquqi-Sosial Yardım və Maarifləndirmə İctimai Birliyinin sədri Fariz Əkbərov orta məktəblərdə psixoloqlarının azlığından danışarkən bildirib.
“Biz bu məsələni qaldırmışıq ki, məktəbdə psixoloqlar artsın və hər bir psixoloqa dərs saatı verilsin. Bu, daha məqsədə uyğun olar. Bir məktəblidə hər hansısa problem aşkarlanan zaman psixoloq yanına göndərilir, amma uşaqların çoxunun problemləri aşkarlana bilmir. Aşkarlanmadığı təqdirdə uşaqlarda içə qapanma, mental çöküntü və digər həmyaşıdlarına qarşı zorakı davranış baş verir. Bunun ən yaxşı yolu psixoloqun məktəblilərlə dərs saatı ilə məşğul olmasıdır. Eyni zamanda bu sahədə çalışanlar kifayət qədər təcrübəli insanlar olmalıdırlar. Bir psixoloqun gunə 10-12 şagirdi əhatə etəməsi qeyri-mümkündür. Düşünürəm ki, onların sayı orta məktəblərdə mütləq artırılmalıdır”,- Fariz Əkbərov əlavə edib.