Bugun.tv xəbər verir ki, Yeni Cənubi Uels əyalətinin yanğınsöndürmə briqadası bazar günü əyalət boyu 85 yanğınsöndürmə əməliyyatı həyata keçirib. Yanğınlardan 46-sı söndürülüb, 39-nun söndürülməsi istiqamətində işlər davam etdirilir. Yanğın təhlükəsi səbəbindən ştatda yanğına qadağa qoyulub. İqlim dəyişikliyi və temperaturun artması səbəbindən yanğınların artdığı düşünülür. Ölkənin Yeni Cənubi Uels, Qərbi Avstraliya və Şimal Ərazi ştatlarında oktyabrın ilk həftəsində yüksək temperatur gözlənilir. Avstraliya Meteorologiya Bürosu ölkənin dekabr, yanvar və fevral aylarında yay aylarında El Nino hava hadisələrinin və Hind okeanı dipolunun təsiri altında olacağını açıqlamışdı.
Müxbir: Şəms Elnurqızı
