Özbəkistan prezidenti Şavkat Mirziyoyev və iranlı həmkarı Məsud Pezeşkian ölkələri arasında ticarət-iqtisadi əlaqələrin daha da inkişaf etdirilməsi barədə razılığa gəliblər.
Özbəkistan Prezidentinin mətbuat xidmətinin məlumatına görə, hər iki lider telefon danışığı zamanı ikitərəfli gündəliyin aktual məsələlərini müzakirə edib və münasibətlərin hazırkı gedişatından məmnun olduqlarını bildiriblər.
“Qarşılıqlı ticarət və yükdaşıma göstəriciləri artır, birgə müəssisələrin sayı artır, paytaxtlar arasında müntəzəm birbaşa aviareyslər qurulur, kommersiya fəaliyyətləri, mədəni-humanitar mübadilələr genişlənir”, – deyə məlumatda vurğulanıb.
Tərəflər digər sahələrdə, xüsusilə kimya, neft-kimya, tekstil və qida sənayesi, kənd təsərrüfatı və tikinti materialları sektorlarında əməkdaşlığın daha da inkişaf etdirilməsi barədə razılığa gəliblər.
Mənbə: İlkha