Bugun.tv xəbər verir ki, Pakistanın cənub-qərb əyalətlərində güclü yağış və ildırım çaxması nəticəsində həyatını itirənlərin sayı 39-a yüksəlib.
Dawn internet saytının məlumatına görə, təbii fəlakət, Pəncab, Bəlucistan və Hayber Pantunxva əyalətlərində 3 gündür davam edən yağışlar səbəbindən baş verib.
Səlahiyyətlilər, həyatını itirənlərin əksəriyyətinin buğda biçini zamanı ildırım vuran fermerlər olduğu barədə məlumat paylaşıb.
Baş nazir Şahbaz Şərif rəsmilərə yağışlardan zərər çəkmiş ərazilərə təcili yardımın çatdırılmasını tapşırdığını bildirib. Hadisə zamanı çoxlu evlər zərər görüb, infrastruktura da ciddi ziyan dəyib.
Qeyd edək ki, 2022-ci ildə ölkənin üçdə birini sular altında saxlayan daşqınlar nəticəsində 2 minə yaxın insan həyatını itirib və təxminən 30 milyard dollar ziyan dəyib.