Bugun.tv xəbər verir ki, Pakistanın Bəlucistan əyalətində kömür mədənində qaz partlayışı nəticəsində 12 şaxtaçı həyatını itirib. Hadisə Harnai şəhərində baş verib.
Partlayışdan sonra mədənin bir hissəsi dağılıb və 20 şaxtaçı sıxışıb qalıb. Əraziyə xilasedici qruplar göndərilib. Aparılan işlər zamanı 12 şaxtaçının cəsədi aşkar edilib, 8 şaxtaçı xilas edilərək xəstəxanaya çatdırılıb.
Pakistanın baş naziri Şahbaz Şərif həyatını itirənlərin yaxınlarına başsağlığı verib. Şərif hökumətin ailələrə hər cür yardım göstərəcəyini bildirib.
Əfqanıstanla sərhədə yaxın Pakistanın qərb bölgələrində kömür yataqları olsa da, mədən qəzaları tez-tez baş verir. İlkin ehtimallar, əsasən, yeraltı qaz yığılmasıdır.