Bugun.tv xəbər verir ki, Pakistan polisi məhkəmə qərarı ilə Pakistanın keçmiş baş naziri İmran Xanı Lahordakı evində həbs edib.
Yerli mətbuatın məlumatına görə, Xan baş nazir olarkən aldığı hədiyyələrin təfərrüatlarını açıqlamadığı üçün mühakimə olunur.
İslamabad Məhkəməsi Xanı 3 il həbs cəzasına məhkum edib, onun barəsində həbs qətimkan tədbiri seçilib.
Bundan əvvəl Pakistanın ədliyyə və hüquq naziri Əzəm Nazir Tarar İmran Xanın 5 il müddətinə siyasətdən uzaqlaşdırıldığını bildirib.
Pakistan qanunlarına görə, baş nazirlər, nazirlər, bürokratlar və yüksək rütbəli dövlət məmurları xarici dövlət xadimlərindən alınan hədiyyələr barədə “Toşaxana” adlı idarəyə məlumat verməyə borcludurlar. Bildirilir ki, PTI hökuməti dövründə İmran Xana təqdim edilən hədiyyələr barədə o xəbər verməyib.