Yunanıstanın Kavala bölgəsindəki Pangeo dağında avqustun 22-də başlayan meşə yanğını 7 gündür ki, davam edir. Yunan mətbuatında yer alan xəbərlərə görə, Pangeo dağındakı yanğın, çatılması çətin bir nöqtədə yerləşdiyi üçün bütün səylərə baxmayaraq 7 gündür nəzarət altına alınmır.
Yanğının söndürülməsinə 280 yanğınsöndürən, 46 yanğınsöndürən maşını, 3 helikopter və 3 təyyarə cəlb olunub. Ancaq indiyə qədər təxminən 13 min hektar meşə sahəsinin külə çevrildiyi bildirilir.
Digər tərəfdən, bu gün Yunanıstanın bir çox bölgəsində yüksək yanğın riski səbəbindən “sarı xəbərdarlıq” (3-cü kateqoriya) elan edilib. İqlim Böhranı və Mülki Müdafiə Nazirliyinin dərc etdiyi yanğın riski proqnozu xəritəsinə əsasən, sarı təhlükə altında olan bölgələr arasında Attiki, Euboea, Etoloakarnania, Korinf, Arqolis, Lakoniya, İliya, Evros, Rodop, Thassos, Halkidiki, Krit və Şimal Ege adaları var.
Mənbə: EnSonHaber