Bugun.tv xəbər verir ki, hadisə ABŞ-ın Kentukki ştatının Luisvil şəhərində yaşanıb.
Polisin yaydığı açıqlamaya görə, silahlı hücum yerli vaxtla axşam saat 9 radələrində Chickasaw Parkında olub.
İnsident nəticəsində 2 nəfər ölüb, 4 nəfər xəsarət alıb. Yaralananlardan birinin vəziyyətinin ağır olduğu bildirilir.
Hücumun hansı səbəbdən baş verdiyi hələki məlum deyil. Faktla bağlı araşdırma aparılır.
Qeyd edək ki, aprelin 10-da da Luisvildə Old National Bank adlı maliyyə mərkəzinə silahlı basqın olub. Nəticəsində ikisi polis olmaqla 5 nəfər ölüb, 8 nəfər isə yaralanıb.
Mənbə: TRT haber