DünyaSiyasət

Paşinyan yalan məlumatlar verməyə davam edir

“Ermənistan hələ də sülh sazişi ilə bağlı təkliflərlə bağlı Azərbaycandan cavab gözləyir”.

Bugun.tv xəbər verir ki, bu sözləri Ermənistanın baş naziri Nikol Paşinyan  yerli və xarici mətbuata açıqlamasında  bildirib.

“Proses belə gedir…Biz Azərbaycana sülh sazişi ilə bağlı təkliflərimizi göndərmişik, lakin hələ də cavab almamışıq. Sülh sazişini imzalamağa və bizdən asılı olan hər şeyi etməyə hazırıq. Lakin söhbət təkcə sazişin imzalanmasından deyil, həm də onun gələcəkdə həyata keçirilməsindən gedir. Bu gün biz 9 noyabr 2020-ci il tarixinə olan razılaşmaların yerinə yetirilmədiyini görürük”, -deyə qeyd edib.

2020-ci il sentyabrın 27-də Dağlıq Qarabağda vəziyyət gərginləşib. Həmin  il noyabrın 9-da Rusiya prezidenti Vladimir Putin, Azərbaycan prezidenti İlham Əliyev və Ermənistanın baş naziri Nikol Paşinyan hərbi əməliyyatların tam dayandırılması ilə bağlı birgə bəyanat imzalayıblar.

Həmin anda tərəflər öz mövqelərində dayandılar, bir sıra rayonlar Bakının nəzarətinə keçdi, təmas xəttində və Laçın dəhlizi adlanan ərazidə Rusiya sülhməramlıları yerləşdirildi.

2022-ci il oktyabrın 31-də Soçidə Ermənistan və Azərbaycan liderləri ilə üçtərəfli danışıqlardan sonra Rusiya prezidenti Putin Rusiya sülhməramlılarının mandatının uzadılması üçün “birgə razılaşma”nın lazım olduğunu bildirib. Onun sözlərinə görə, mandatın uzadılması qərarı bir çox məsələlərdən, xüsusən də mümkün sülh müqaviləsinin bağlanmasından, Ermənistanla Azərbaycan arasında sərhədin delimitasiyası və demarkasiyasından asılı olub

Mənbə: TASS

Nigar Məmmədova

Oxşar xəbərlər

Qırğızıstan-Tacikistan sərhəddində atışma baş verib

Aynur Əfəndi Zadə

İranın cənub-şərqində qum fırtınası səbəbindən dövlət qurumları yenidən tətilə çıxdı

Bugün TV

Dünyaca məşhur aktyor vəfat etdi

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu