Paytaxtda ağır qətl hadisəsi baş verib
Bərbərlər arasında mübahisə ölümlə nəticələnib. Bugun.tv xəbər verir ki, hadisə günorta saat 13:00 radələrində qeydə alınıb. Nəsimi rayon Asif Məhərrəmov küçəsində bərbər işləyən 28 yaşlı İsmət Qədirov həmyaşıdı bərbər İlkin Qurbanlını öldürüb.
Hadisə yerinə polis əməkdaşları cəlb olunub. Daxili İşlər Nazirliyinin mətbuat xidmətinin rəhbəri Elşad Hacıyev Bugun.tv-yə məlumat verib. O, bildirib ki, qətldə təqsirləndirilən İ.Qədirov saxlanılıb.
Faktla bağlı Nəsimi rayon prokurorluğunda 120.1 (qəsdən adamöldürmə) maddəsi ilə cinayət işi açılıb. İstintaq gedir. 
