Bakı şəhərinin Sabunçu rayonunda ikimərtəbəli evdə yanğn baş verib. Ümumi sahəsi 600 m² (hər mərtəbəsi 300 m²) olan ikimərtəbəli evin 2-ci mərtəbəsində sahəsi 30 m² olan bir otaqda lambirdən ibarət tavan 10 m² sahədə və 1 ədəd divan yanıb.
Yüksək temperaturdan evin dam örtüyünün taxtaları 5 m² sahədə qarsalanıb. Evin qalan hissəsi yanğından mühafizə olunub.
Bugun.tv xəbər verir ki, bu barədə Fövqəladə Hallar Nazirliyinin (FHN) mətbuat xidməti məlumat yayıb.
Yanğın yanğından mühafizə bölmələri tərəfindən söndürülüb.