Paytaxt Lima başda olmaqla, 6 şəhərə təsir edən Yaku qasırğası sellərə səbəb olub. Baş nazir Alberto Otarola yüzlərlə binanın su altında qaldığını, bəzi yerlərdə fövqəladə vəziyyət elan ediləcəyini bildirib.
Bugun.tv xəbər verir ki, bu barədə Peru televiziyası məlumat yayıb.
Bildirilir ki, daşqınlar nəticəsində 2500 adam evsiz qalıb. Müdafiə naziri Xorxe Çavez ağır texnikanın dərələri təmizləməyə çalışdığını bildirib. Bəzi şəhərlərdə sürüşmə və çayların daşması səbəbindən yollar tamamilə bağlanıb. Həyat iflic vəziyyətə düşüb.
Milli Meteorologiya və Hidroloji Xidmət agentliyi güclü yağışların sabaha qədər davam edəcəyini bildirib. Vətəndaşlara diqqətli olmaları barədə xəbərdarlıq edilib.
Prezident Dina Boluarte Yaku qasırğasının səbəb ola biləcəyi hadisələr ilə bağlı paytaxtda həyəcan siqnalı verildiyini deyib.