“Bizim hüquq-mühafizə orqanları Bryansk vilayətində ukraynalı diversantların hücumu olduğu aydın görünən hadisəni diqqətlə araşdırır. Təbii ki, bütün detallar müəyyən ediləcək. Çünki bunu kimin həyata keçirdiyini dəqiq bilmək vacibdir”.
Bugun.tv TASS-a istinadən xəbər verir ki, bunu Kremlin sözçüsü Dmitri Peskov jurnalistlərə bildirib.
Bryansk vilayətinin qubernatoru Aleksandr Boqomaz bildirib ki, Ukrayna diversantları sərhəd bölgəsinə soxulublar. Son məlumatlara görə, onlar iki kəndə daxil olublar. Rusiya Federal Təhlükəsizlik Xidməti silahlıların məhv edilməsi üçün əməliyyatın aparıldığını təsdiqləyib.