“Belarus prezidenti Aleksandr Lukaşenkonun Çinə son səfəri yalnız ikitərəfli formatda həyata keçirilib. Rusiya prezidenti Vladimir Putin Belarus lideri vasitəsilə Pekinə heç bir mesaj ötürməyib”.
Bugun.tv xəbər verir k, bunu Rusiya prezidentinin mətbuat katibi Dmitri Peskov bildirib.
Kremlin sözçüsü onu da qeyd edib ki, yaxın günlərdə Putinlə Lukaşenko arasında yeni danışıqlar nəzərdə tutulmayıb. Ancaq zərurət yaranarsa, operativ şəkildə təşkil edilə bilər.
Xatırladaq ki, Lukaşenko fevralın 28-dən martın 2-dək Çinə rəsmi səfər edib. Pekində keçirilən ikitərəfli sammit danışıqlarından sonra Lukaşenko və Si Cinpin gələcəkdə münasibətlərin ikitərəfli inkişafı ilə bağlı birgə bəyanat qəbul ediblər.