Bugun.tv xəbər verir ki, Bursanın Osmanqazi rayonunda naməlum pitbull itinin hücumu nəticəsində yaralanan 2 nəfər xəstəxanaya çatdırılıb.
Belə ki, Mollafenari rayonundakı Üftade Təkkə Məscidinin bağçasında bir qrup dostun çay içmək üçün toplaşdığı yerə sahibsiz pitbull iti gəlib və insanlara hücum edib.
Səsləri eşidən məhəllə sakinləri aqressiv iti təxminən 10 dəqiqəlik səydən sonra zərərsizləşdirərək məscidin bağçasını əhatə edən dəmir barmaqlıqlara bağlayıblar. Xəsarət alanların vəziyyətnin yaxşı olduğu bildirilib.
Polis qrupları itin sahibini müəyyən etmək üçün araşdırmaya başlayıb.