Bugun.tv xəbər verir ki, son zamanlar sifət quruluşlarını dəyişmək istəyən xanımların sayı sürətlə artıb. Bunun üçün kimisi kosmetoloqlara, kimisi də cərrahlara üz tutur.
Xalq artisti Ofeliya Sənani müsahibəsində insanları üz formalarını dəyişdirməməyi, plastik əməliyyatlardan uzaq duraraq təbii olmağı tövsiyə edib. “Cavan qızsan niyə burnunu kəsdirirsən? Axı bu sənin quruluşundur. Özünəməxsusluğundur. Gözünün quruluşuna aiddir. Burnunu kəsdirib qaldırırsan yuxarı. Axı o forma sənin üz forman deyil. Başqa millətindir. Axı sən Azərbaycanlıya oxşamırsan. Bu düzgün deyil. Nəyə görə filankəs etdirib məndə etdirməliyəm deyir. Eləmə belə. Elə bil yarış gedir. O, elətdirib mən niyə elətdirməyim”, – O.Sənani bildirib.
Sonda tanınmış aparıcı xanımlara pullarını vitaminlər alaraq, canlarına xərcləməyi tövsiyə edib.
Müxbir: İntizar Əmirov