Bugun.tv Burdurda ikimərtəbəli fərdi yaşayış evinə tikilən liftdə başı ilişən yaşlı qadın həyatını itirib. Beləki, Şirinevlər məhəlləsində yaşayan və ayağı sınmış 76 yaşlı Mələk Çardak xəstəxanada müalicə olunduqdan sonra əlil arabası ilə evinə gətirilib. Onu ikinci mərtəbəyə qalxmaq üçün əlil arabası ilə liftə mindiriblər. Lift hərəkət edən zaman araba kabinədə aşıb. Nəticədə Çardakın başı kabinədəki boşluğa ilişib.
Hadisə yerinə 112 Təcili Tibbi Yardım, xilasetmə və polis qrupları gəlib. Xilasetmə briqadası lifti açsa da, həkimlər qadının öldüyünü müəyyən ediblər.
Mənbə: TRT Haber