“Bu həftə Ukraynaya daha 10 Leopard 2 tankı göndərəcəyik. Polşanın Kiyevə söz verdiyi 14 tankdan 4-ü artıq Ukraynadadır. Alman həmkarım Boris Pistorius ilə əldə olunan razılaşmaya əsasən, Ukraynanı Leopard 2A4 və Leopard 2A6 ilə təchiz edən ölkələrin koalisiyasının yaradılmasına cavabdeh olacağıq”.
Bugun.tv xəbər verir ki, bunu Polşanın Milli Müdafiə naziri Mariuş Blaşçak bildirib.
O, koalasiyanın Norveçdən 8 tank, Kanadadan 8, İspaniyadan 6 və Finlandiyadan tank batalyonuna dəstək maşınlarından ibarət olduğunu bildirib.
Xatırladaq ki, yanvarın 25-də Almaniya Ukraynaya 14 Leopard 2 tankı verəcəyini bildirmişdi. Böyük Britaniya, Norveç, Polşa, Slovakiya, Fransa və digər ölkələr Kiyevi silahla təmin edəcəyini açıqlamışdı.
Mənbə:TASS