Bugun.tv xəbər verir ki, prezident Rəcəb Tayyib Ərdoğan İndoneziyanın seçilmiş prezidenti Prabowo Subianto ilə telefon danışığı aparıb.
Məlumata görə, danışıqlar zamanı Türkiyə ilə İndoneziya arasındakı ikitərəfli əlaqələr və qlobal hadisələr müzakirə edilib.
Subiantonu seçkidə qazandığı qələbə münasibətilə təbrik edən prezident Ərdoğan, Türkiyə ilə İndoneziya arasındakı köklü əlaqələrin yeni dövrdə daha da inkişaf edəcəyini, iki ölkənin bütün sahələrdə, xüsusilə müdafiə sənayesi, hərbi, ticarət və maliyyə əlaqələrində əməkdaşlığın qarşılıqlı etimad və ölkələrin maraqları çərçivəsində inkişafına ümid etdiyini bildirib.