Bu gün İlham Əliyev Mustafa Çiftçini qəbul edib.
Görüş zamanı qonaq Türkiyə Prezidenti Rəcəb Tayyib Ərdoğanın salamlarını Azərbaycan Prezidentinə çatdırıb. Prezident İlham Əliyev isə səmimi salamlar üçün minnətdarlığını bildirib və öz salamlarını Türkiyə dövlət başçısına çatdırmağı xahiş edib.
Qeyd olunub ki, Azərbaycan və Türkiyə arasında münasibətlər qardaşlıq və strateji müttəfiqlik prinsiplərinə əsaslanır və bütün sahələr üzrə əməkdaşlıq davamlı şəkildə genişlənir.
Tərəflər ölkələrin müvafiq qurumları, xüsusilə də Daxili İşlər nazirlikləri arasında səmərəli əməkdaşlığın mövcud olduğunu vurğulayıblar.
Mənbə: prezident.az