Bugun.tv–xəbər verir ki, Rəşid Behbudov adına Azərbaycan Dövlət Mahnı Teatrında Tibb elmləri doktoru, professor İbadulla Ağayevin 75 illik yubileyinə həsr olunmuş tədbir keçirilib.
Təxminən 4 saat davam edən və fasiləsiz təşkil olunan yubiley gecəsi musiqili proqramlarla yadda qalıb. Tədbirdə çoxsaylı elm və sənət adamları, musiqiçilər və dəvətlilər iştirak ediblər.
Tədbir çərçivəsində muğam ifaları səsləndirilib, həm solo, həm də qız və oğlan duetləri təqdim olunub. Proqram boyu milli musiqi nümunələri iştirakçılar tərəfindən böyük maraqla qarşılanıb.
Yubiley mərasimi Dədə Ələsgər Ocağı İctimai Birliyi tərəfindən təşkil olunub. Birliyin rəhbəri Xətayi Ələsgərli tədbirdə çıxış edərək yubilyarı təbrik edib.
Tədbir haqqında Bugun.tv-yə xəbər verən həvəskar şair, həvəskar musiqiçi, bədii qiraət ustası, aparıcı, hərbi mütəxəssis və Vətən müharibəsi veteranı Cəbrayıl Qənbərin sözlərinə görə, tədbirin sonunda professor İbadulla Ağayevə güllər təqdim olunub, xatirə şəkilləri çəkdirilib və yubiley gecəsi yüksək əhval-ruhiyyə ilə başa çatıb.
