Rusiyanın Tatarıstan Respublikasının paytaxtı Kazanda keçirilən “Rusiya–İslam Dünyası: KazanForum 2026” çərçivəsində “Rusiya–İslam Dünyası: Strateji Baxış Qrupu” adlı iclas təşkil olunub.
Bugun.tv-xəbər verir ki. clas zamanı Rusiya Prezidenti Vladimir Putin tərəfindən göndərilən təbrik məktubu Baş nazirin müavini Marat Xusnullin tərəfindən oxunub.
Putin mesajında Kazan şəhərinin rusiyalı və beynəlxalq siyasətçiləri, ictimai xadimləri, alimləri, din xadimlərini, iş adamlarını və ekspertləri bir araya gətirdiyini bildirib. O qeyd edib ki, forumun etnik və dini harmoniyanın qorunduğu, sürətlə inkişaf edən Tatarıstanda keçirilməsi xüsusi simvolik məna daşıyır.
Rusiya lideri İslamın dünyanın ən böyük dinlərindən biri olduğunu vurğulayaraq bildirib ki, ölkədə milyonlarla müsəlman yaşayır və onlar iqtisadiyyat, elm, mədəniyyət və sosial sahələrin inkişafına mühüm töhfə verirlər.
Putin çıxışında, “Bütün İslam dövlətləri ilə dostluq münasibətlərimizi dərinləşdirməkdə qərarlıyıq” ifadəsini işlədib.
O əlavə edib ki, Rusiya enerji, sənaye, informasiya texnologiyaları, kənd təsərrüfatı, maliyyə, təhsil, səhiyyə və turizm kimi bir çox sahədə İslam ölkələri ilə əməkdaşlığı inkişaf etdirir. Putin həmçinin Rusiyanın Organisation of Islamic Cooperation fəaliyyətində müşahidəçi statusu ilə iştirak etdiyini xatırladıb.
Rusiya Prezidenti forum çərçivəsində keçiriləcək görüşlərin yeni əməkdaşlıq imkanları yaradacağına inandığını da bildirib.
Mənbə: Ensonhaber