Mütəxəssislər pəhriz saxlamadan çəki azaltmağa kömək edə biləcək iki sadə üsulu açıqlayıblar. Bildirilir ki, keyfiyyətli yuxu və sərin otaqda yatmaq bədəndə yağ yığılmasının qarşısını alan mexanizmləri aktivləşdirə bilər.
Məlumata görə, bu barədə Pirogov Universitynin dosenti, endokrinoloq Lyubov Maçehina danışıb. Onun sözlərinə görə, bədəndəki yağ toxumalarında melatonin hormonuna həssas reseptorlar mövcuddur.
Mütəxəssis qeyd edib ki, melatonin bu reseptorlarla əlaqəyə girərək ağ yağ hüceyrələrinin daha aktiv maddələr mübadiləsinə malik qəhvəyi yağ hüceyrələrinə çevrilməsinə kömək edir. Bu proses isə artıq yağın yığılmasının qarşısını ala və maddələr mübadiləsini yaxşılaşdıra bilər.
Həkim bildirib ki, eyni mexanizm aşağı temperaturda da aktivləşir. Buna görə də yaxşı havalandırılmış və bir qədər sərin otaqda yatmaq bədənin çəki tənzimləməsinə müsbət təsir göstərə bilər.
Bununla yanaşı, melatoninin toxumaların insulinə həssaslığını artırdığı və maddələr mübadiləsinə müsbət təsir göstərdiyi də qeyd olunur.
Mütəxəssis vurğulayıb ki, melatonin preparatlarının arıqlamaq məqsədilə istifadəsi hələ klinik tədqiqatlarla tam təsdiqlənməyib və belə vasitələr yalnız həkim məsləhəti ilə qəbul edilməlidir.
Mənbə: mail.ru