Avstraliyanın qərb bölgələrində həftəsonu müşahidə olunan güclü fırtına ciddi fəsadlara səbəb olub.
ABC News-un məlumatına görə, saatda 135 kilometrə çatan güclü küləklər ağacların aşmasına və elektrik xətlərinin zədələnməsinə gətirib çıxarıb.
Fövqəladə Hallar xidmətləri fırtına ilə əlaqədar təxminən 700 yardım çağırışı qəbul etdiklərini açıqlayıblar. Səlahiyyətli qurumlar isə elektrik şəbəkəsində 1300-ə yaxın nasazlığın qeydə alındığını bildiriblər.
Məlumata əsasən, təbii fəlakət səbəbindən 40 mindən çox abonentin elektrik enerjisi kəsilib. Hazırda aidiyyəti qurumların əməkdaşları nasazlıqların aradan qaldırılması və enerji təchizatının bərpası istiqamətində işləri davam etdirirlər.
Meteoroloqlar bölgədə hava şəraitinin dəyişkən olaraq qalacağını qeyd edir və sakinləri ehtiyatlı olmağa çağırırlar.
Mənbə: TrtHaber