BMT İsrailin Qəzza zolağındakı hücumlarının mülki əhalinin həyatını təhlükəyə atmağa davam etdiyini bildirib.
TRT Haber-in məlumatına görə, BMT Baş Katibinin sözçü müavini Farhan Haq gündəlik brifinqdə Qəzzadakı son vəziyyəti dəyərləndirib. Adını çəkmədən İsrailin hücumlarına işarə edən Haq, bu hücumların bölgədə yaşayan fələstinlilərin həyatını ciddi şəkildə təhlükəyə atdığını vurğulayıb.
Haq bildirib: “BMT-nin Humanitar Yardım Koordinasiya Ofisi, Qəzzadakı hərbi əməliyyatların fələstinliləri təhlükəyə atmağa və humanitar ehtiyacları artırmağa davam etdiyi barədə xəbərdarlıq edir”.
Sözçü müavini, təhlükəsizlik qüvvələrinin cümə günündən bəri bu cür çoxsaylı hadisə qeydə aldığını, onlardan bir çoxunda mülki şəxslərin həlak olduğu bildirildiyini deyib.
Haq həmçinin qeyd edib ki, 2023-cü ilin oktyabrından bəri humanitar yardım qrupları Qəzzada 1000-dən çox partlayıcı sursat aşkar edərək işarələyib. Bu, dağıntıların götürülməsi və infrastruktur işləri üçün kritikdir.
Mənbə: TRT Haber