Qadınlar zəriflik,incəlik,kişilər isə güc,qüvvət rəmzi hesab olunurlar. Qadın fiziki cəhətdən kişiyə nisbətdə zəif yaradılmışdır. Bundan istifadə edib,qadına şiddət göstərərək özünü “qəhrəman” hesab edən kişilər çoxluq təşkil edir. Qadına şiddət günümüzün aktual problemlərindən biridir.Bəs bu problemin qarşısını almaq üçün nə etmək,hansı tədbirləri görmək lazımdır?
Bu problemi kökündən həll etmək üçün əvvəlcə onun yaranma səbəbini, haradan gəldiyini özümüz üçün aydınlaşdırmalıyıq. Bunun bir çox səbəbi ola bilər:mənəvi keyfiyyətlər, fiziki və maddi tələblər, psixoloji durum və s. Problemin mənşəyi isə normal olmayan ailə və qüsurlu cəmiyyətdir. Qadınlara qarşı zorakılığın qarşısını almaq üçün özümüzü və övladlarımızı düzgün tərbiyə etməyi bacarmalıyıq. Əvvəlcə özümüzdən başlamalıyıq. Çünki uşaqlar şiddət və zorakılığı böyüklərdən öyrənirlər. Böyüdükləri zaman da, görüb-götürdüklərini öz ailələrində tətbiq edirlər. Buna görə də uşaqlara mənəvi dəyərləri düzgün formada aşılamalı, onlara hər zaman doğru yol göstərməliyik. Ən əsası da budur ki, verdiyimiz öyüdləri, nəsihətləri öz əməllərimizdə icra etməyi unutmayaq. Necə deyərlər, sözümüzlə əməlimiz üst-üstə düşsün. Cəmiyyətin hər bir üzvü qadının ali varlıq olduğunu dərk etməli, ona hörmət etməyi bacarmalıdır.
Leyla Qurbanova
Jurnalistika fakültəsinin IV kurs tələbəsi