Səhər saatlarında Bakıxanov qəsəbəsində qətl hadisəsinin qarşısı alınıb. Belə ki, dayanacaqda naməlum şəxs 48 yaşlı qadına bıçaqla xəsarət yetirməyə cəhd edib.
Bu zaman hadisə yerinin yaxınlığında olan Nizami Rayon Mühafizə İdarəsinin əməkdaşı Fazil Məmmədov təhlükəsizlik tədbirlərinə əməl etməklə, cinayət hadisəsinin qarşısını alıb. Həmin şəxsdən cinayət aləti olan bıçaq maddi sübut kimi götürülüb.
Saxlanılan şəxs polis bölməsinə təhvil verilib. Araşdırmlar nəticəsində onun axtarışda olan 31 yaşlı Şamil Şükürov olması müəyyən edilib.
Bugun.tv xəbər verir ki, bu barədə Daxili İşlər Nazirliyinin (DİN) mətbuat xidmətinin rəhbəri Elşad Hacıyev məlumat verib.
Faktla bağlı araşdırmalar davam etdirilir.