Qarabağ”ın əvəzedici komandasının üzvü Şirxan Həsənzadə dünyasını dəyişib.
Bugun.tv xəbər verir ki, bir müddət əvvəl məşq zamanı ürəyi dayanan və komada olan futbolçu bu gün vəfat edib.
Aldığımız məlumata görə, Ş. Həsənzadə sabah doğulduğu Astara rayonuna aparılacaq və orada dəfn olunacaq.
Xatırladaq ki, 20 yaşlı Ş.Həsənzadənin ürəyi 22 apreldə məşq zamanı dayanmışdı. O, təcili tibbi yardımın köməyi ilə dərhal özəl xəstəxanalardan birinə çatdırılmışdı.
26 apreldə isə o, ECMO aparatına qoşulmuşdu.