Qış təlim-məşq toplanışını Türkiyənin Antalya şəhərində keçirəcək “Qarabağ”ın yoxlama oyunlarının tarixləri müəyyənləşib.
Bugun.tv xəbər verir ki, bu barədə klubun mətbuat xidmətinin rəhbəri Gündüz Abbaszadə məlumat verib. Onun sözlərinə görə görə, Ağdam təmsilçisi qardaş ölkədə 3 sınaq matçında qüvvəsini sınayacaq.
“Köhlən atlar” yanvarın 13-də Polşanın “Poqon” komandası ilə qarşılaşacaq. Komanda 5 gün sonra isə Serbiya “Çukariçki”si və Polşanın digər təmsilçisi “Rakuv”la üz-üzə gələcək.
Qeyd edək ki, “Qarabağ” yanvarın 4-dən 23-dək Antalyada təlim-məşq toplanışında olacaq.