Bugun.tv xəbər verir ki, qatil balinalar Cəbəllütariq boğazında kruizdə olan britaniyalı cütlüyün yaxtasına hücum edib. Ekipajın köməyi sağ qalan Janet Morris və Stiven Bidvel qorxulu anlarını Daily Mail-ə danışıblar.
Onlar yaxtanın Mərakeşin Tanjer sahillərində olarkən vurulduğunu bildirib. Cütlük ekipajın “qatil balina” qışqırdığını, daha sonra göyərtəyə qaçdıqlarını deyiblər. Bundan sonra bir saat ərzində ən azı 6 balina yaxtanın arxasınca gəlib.
Zərbələr nəticəsində yaxtanın bəzi hissələrinin dənizə düşdüyünü bildiriblər. “Onları gördüyümə inana bilmirdim. Bu, çox nadir hallarda olur”, – J.Morris deyib. Bidwell isə “Qatil balinalar təqibin həyəcanını sevirlər. Ona görə də dayanmalıydıq, amma külək səbəbindən bu mümkün olmadı. Hücum zamanı təxminən 14 metrlik yaxtanın sükanı zədələndi”, – deyə əlavə edib.
Mənbə: SABAH